Hello Everybody !!

日本搭地下鐵係嚴禁講電話既:
你入到個擠滿哂人既車廂, d門關上之後, 靜到烏蠅飛過你都會聽到!
d人個個都木無表情... 或者其實你都好難睇到d人既表情, 因為佢地大多數都埋頭苦幹咁用手機send緊email或者睇緊書或者訓緊覺.

香港搭地下鐵係可以盡情咁講電話既:
你入到個唔係迫滿哂人既車廂, d門關上之後, 嘈到你電話響你都未必聽到!
d人個個都表情豐富... 甚至乎七情上臉, 大部份都埋頭苦幹咁同同行既親友傾緊計或者講緊電話或者諗緊野.

我諗左好多日都諗唔到鍾意邊個情形多d...
似乎日本清靜d好似好d... 但係諗真d迫滿人又靜'英英'~~... 其實有d恐怖.

不過當我沉日再次踏足香港既地鐵我就知道: 香港好d!
雖然好嘈, 但其實只要你豎起隻耳聽下d人講電話啦傾計啦... 幾得意.
雖然好迫, 之但係當你霸個好位 (d椅中間既柱位就最好) 周圍望下睇下d人既樣啦表情啦... 幾好笑.

都係有生氣好d...... ^_^