Hello Everybody !!

剛讀過李牧童在蘋果日報裡面的文章, 名為 '百轉千回愛甚麼'. 筆者講出與不同類型的女子拍拖, 會有怎樣的好處, 他的感覺又會是如何. 與六種性格較為明顯的 (如: 純情, 爽朗, 美豔, 獨立等) 人拍拖後, 筆者發現第七類 ----- '不怎麼樣的她' 才是最合適他的.

我想, 筆者所指的 '不怎麼樣的她' 是一個比較平凡又不突出的女子吧!
我又想, 筆者很幸運呢! 因為他可以在錯愛之後再愛, 現在更找到他相信可以與他終老的伴侶.

其實, 一個人眼中的平凡, 可以是另一個人眼中的特別. 兩個人是否適合對方, 要視乎兩人的價值觀是否相近, 性格是否能互補不足, 又是否能互相欣賞. 但一切都只可以隨緣並珍惜, 因為不是我們想要個怎樣的人就一定可以遇到的.

Post or View Comments (total: 0 comments)

講真, 我都係近排先有 '怕老' o既感覺...... 可能我比較遲鈍.
呢個感覺當然唔好受, 會令我擔心...... 因為明顯影響到既主要係我個樣!

好驚人o地一望就知你已經唔係二字頭;
又驚 d 眼尾紋會一發不可收拾;
亦都驚 d 小朋友只會叫你 '姨姨';
更加驚 d 大朋友會話你 '仲細呀? 三十幾歲仲扮 cutie!';

我相信男人唔會咁怕老.
因為就算佢o地個樣老o左 d, 都只會係加添佢o地o既成熟感.
但女人就唔同喇, 個樣老o左 d d, 就會比人覺得殘!
唉...... 男女唔平等, 呢個係改變唔到o既事實!

不過, 我相信相由心生. 保持心境開朗, 個樣自然靚 d......
咁就算塊面多o左 d 紋, 都唔會係一個殘樣丫!!! ^O^

Post or View Comments (total: 0 comments)

'嫁雞隨狗'...... Oops! 冇心既冇心既, 唔好誤會!!
'B for Dog'...... Oh! 當時既對話實在太多 B 呀 D 呀咁喇!

死啦! 係咪思覺失調呢?? @_@

Post or View Comments (total: 0 comments)

我諗, 人性本來係惡既!

做好人, 好難好難. 因為你要考慮既平衡既兼顧既o野係好多好多.
正所謂 '左右做人難', '順得哥情失嫂意'...... 等等等等.
有時你做o既o野係為他人著想, 但係會因為當事人o既性格或者一 d 外來因素,
而令你有吃力不討好o既感覺...... 甚至乎心灰意冷.

但係做壞人就唔同喇!
你可以隨心所欲, 唔需要理會事情o既後果, 亦唔需要顧慮其他人o既感受.

諗真一下:
我o地想 '隨心所欲' 地去做o既, 似乎都係一 d 有負面影響o既事情.
例如會浪費金錢 / 時間, 講大話, 嚴重o既就做 d 傷天害理o既事......
似乎大家都係以理性及知識去提醒, 甚至乎壓抑自己唔好去做壞事.
再諗深一層:
好耐好耐以前直到現在, 人類都不斷地進食各種動物;
亦即係我o地每日都會犧牲一 d 東西去滿足自己......
所以我認為, 人性本來係惡既!

p.s. 好遺憾, 我並唔係素食者~

Post or View Comments (total: 0 comments)