Friday, February 27, 2004
奇趣
沉晚去左一間價錢大眾化但有少少裝修既餐廳食飯. 有白色既梳化又有卡位, 配上胡桃木既牆, 都幾好. 不過係一間做街坊生意既餐廳.
食食下, 忽然聽到靠牆既一個卡位傳出唔係好大聲既女子'鴉鴉'聲!! 用'鴉鴉'去形容係因為佢發出既係高音既'呀'聲! 我估計係果邊有隻'甲由'!
過左無幾耐, 我又再聽到'鴉~鴉~鴉~'...
咁我就望過去, 見到個女仔o向到縮下縮下, 又不斷咁繼續'鴉~鴉~鴉~~'...
我心諗: '甲由'o者! 對你有威脅既未拍死佢囉! 洗唔洗係咁o向到'鴉~鴉~鴉~~'呀??!!
最奇趣既係, 坐o向呢個女仔隔離既應該係佢老豆, 對面就應該係佢細老同亞媽!! 但呢三個人都淨係一齊望住牆邊同埋一齊縮下縮下... 幾好笑!
不過我覺得呢個老豆好唔掂...
好既男人, 係應該保護佢身邊老老嫩嫩既女性, 免得佢地受到'苦難'!!
Post or View Comments (total: 0 comments)
食食下, 忽然聽到靠牆既一個卡位傳出唔係好大聲既女子'鴉鴉'聲!! 用'鴉鴉'去形容係因為佢發出既係高音既'呀'聲! 我估計係果邊有隻'甲由'!
過左無幾耐, 我又再聽到'鴉~鴉~鴉~'...
咁我就望過去, 見到個女仔o向到縮下縮下, 又不斷咁繼續'鴉~鴉~鴉~~'...
我心諗: '甲由'o者! 對你有威脅既未拍死佢囉! 洗唔洗係咁o向到'鴉~鴉~鴉~~'呀??!!
最奇趣既係, 坐o向呢個女仔隔離既應該係佢老豆, 對面就應該係佢細老同亞媽!! 但呢三個人都淨係一齊望住牆邊同埋一齊縮下縮下... 幾好笑!
不過我覺得呢個老豆好唔掂...
好既男人, 係應該保護佢身邊老老嫩嫩既女性, 免得佢地受到'苦難'!!
Post or View Comments
Wednesday, February 25, 2004
已經好好...
曾經o向紐約同悉尼兩處地方各渡過o左悠閒既一個月. 果兩個月時間簡直就寫意到不~~得了... 家陣都仍然好回味! 雖然唔係有咩豪華既享受, 但由於唔洗做, 日日淨係食玩同訓覺... 簡直係人生一大享受!!
不過我最享受既係果兩處地方既環境:
紐約無乜山, 一望無際, 又乾淨, 城市規劃井井有條, 又有時代感;
悉尼環境優美, 有山又有水, 感覺好舒服.
經過果兩個月既'外國生活'之後, 我有時會埋怨做香港人好慘.
因為香港居住環境實在太迫太差, 空氣又唔好.
但係我諗我以後都唔會再埋怨...
因為我發現, 中國大陸有大把人既生活環境及水平 (就算唔係貧民地區), 都比我地活在香港既不知差多少倍! 香港, 已經好好......
Post or View Comments (total: 0 comments)
不過我最享受既係果兩處地方既環境:
紐約無乜山, 一望無際, 又乾淨, 城市規劃井井有條, 又有時代感;
悉尼環境優美, 有山又有水, 感覺好舒服.
經過果兩個月既'外國生活'之後, 我有時會埋怨做香港人好慘.
因為香港居住環境實在太迫太差, 空氣又唔好.
但係我諗我以後都唔會再埋怨...
因為我發現, 中國大陸有大把人既生活環境及水平 (就算唔係貧民地區), 都比我地活在香港既不知差多少倍! 香港, 已經好好......
Post or View Comments
Monday, February 23, 2004
日本料理
一向都有閱讀蘋果日報副刊裡面蔡瀾既專欄.
鍾意睇因為覺得呢個亞伯幾爽, 而且佢主要講食... 我最鍾意.
今日佢講日本料理 (又係我至愛!). 不過佢話香港既佢極少光顧, 因為認為香港d日本料理大多亂咁o黎, 用料又唔正統又唔乾淨喎...
唉! 我夠知去日本食至正啦!! 之但係我家在香港喎! 不過, 一分錢一分貨我就絕對讚同既. 試過一千零一次去一間位於銅鑼灣既高級日本料理, 兩個人食左八百幾蚊 (講緊至少五年前喎...), 都只係有一碟甘蝦刺身, 一客鰻魚卷, 以及兩碟熱食. 之不過...
... 真係好好味! 我好想再去呀!!!!! >o<
Post or View Comments (total: 0 comments)
鍾意睇因為覺得呢個亞伯幾爽, 而且佢主要講食... 我最鍾意.
今日佢講日本料理 (又係我至愛!). 不過佢話香港既佢極少光顧, 因為認為香港d日本料理大多亂咁o黎, 用料又唔正統又唔乾淨喎...
唉! 我夠知去日本食至正啦!! 之但係我家在香港喎! 不過, 一分錢一分貨我就絕對讚同既. 試過一千零一次去一間位於銅鑼灣既高級日本料理, 兩個人食左八百幾蚊 (講緊至少五年前喎...), 都只係有一碟甘蝦刺身, 一客鰻魚卷, 以及兩碟熱食. 之不過...
... 真係好好味! 我好想再去呀!!!!! >o<
Post or View Comments
Saturday, February 21, 2004
希望
真係唔明白, 到底係年代既問題抑或年紀既問題...
好多時會o向公眾地方 (尤其是巴士上) 聽到d亞媽級既女士大大聲咁講o野甚至乎'鵝'/鬧佢身邊既老公! 點解要咁大聲呢?? 唔通佢地鍾意周圍既人知道哂佢地既家事??
我絕對希望呢個係年代既問題: 上一代既女性係咁... 唔怕核突!
我絕對希望呢個唔係年紀既問題: 如果唔係, 我遲多十年廿年變左係咁... 唔怕核突... 就慘喇!!!
Post or View Comments (total: 0 comments)
好多時會o向公眾地方 (尤其是巴士上) 聽到d亞媽級既女士大大聲咁講o野甚至乎'鵝'/鬧佢身邊既老公! 點解要咁大聲呢?? 唔通佢地鍾意周圍既人知道哂佢地既家事??
我絕對希望呢個係年代既問題: 上一代既女性係咁... 唔怕核突!
我絕對希望呢個唔係年紀既問題: 如果唔係, 我遲多十年廿年變左係咁... 唔怕核突... 就慘喇!!!
Post or View Comments
Friday, February 20, 2004
唔明
今日有報紙報導沉晚中大學生就大學削資一事向校長遞交請願信,
但遭拒絕, 因而發生衝突. 報導又指:
"整個削資討論過程極為不透明, 只有校長及大學極高層, 與大學教資會及教統局討價還價, 最受影響的師生卻一直被蒙在鼓裡..."
well...
請問有邊個機構要減乜減物果陣會召集上下員工o黎一齊傾o架??
唔通d大學生第時出o黎做o野, 個老細減佢人工, 佢會走去問個老細:
"點解減我人工唔咨詢我意見?"
... 真係唔明??
Post or View Comments (total: 0 comments)
但遭拒絕, 因而發生衝突. 報導又指:
"整個削資討論過程極為不透明, 只有校長及大學極高層, 與大學教資會及教統局討價還價, 最受影響的師生卻一直被蒙在鼓裡..."
well...
請問有邊個機構要減乜減物果陣會召集上下員工o黎一齊傾o架??
唔通d大學生第時出o黎做o野, 個老細減佢人工, 佢會走去問個老細:
"點解減我人工唔咨詢我意見?"
... 真係唔明??
Post or View Comments
Thursday, February 19, 2004
忙
忙, 係一件好事...
無論係你d工作堆積如山接踵而來又好, 抑或無事忙但又好似好忙都好,
都代表你係一個能者, o向你既日常生活裡面你對某d事或人係有價值既!
至於你所'忙'緊既可唔可以帶比你成就感呀成功感呀等等就係另一回事,
亦都係唔可以強求既事, 好講際遇同運氣.
不過...
可能我比較懶, 我prefer清閒既生活. 咩成就感呀成功感呀我都唔係好想要.
最想要既係可以悠哉遊哉咁做我想做既事!!
人生短短數十年, 咁忙做乜?! 應該好好咁享受生活!
所以大家記住要忙裡偷閒, relax relax... 最緊要開心呀!!! ^O^
Post or View Comments (total: 0 comments)
無論係你d工作堆積如山接踵而來又好, 抑或無事忙但又好似好忙都好,
都代表你係一個能者, o向你既日常生活裡面你對某d事或人係有價值既!
至於你所'忙'緊既可唔可以帶比你成就感呀成功感呀等等就係另一回事,
亦都係唔可以強求既事, 好講際遇同運氣.
不過...
可能我比較懶, 我prefer清閒既生活. 咩成就感呀成功感呀我都唔係好想要.
最想要既係可以悠哉遊哉咁做我想做既事!!
人生短短數十年, 咁忙做乜?! 應該好好咁享受生活!
所以大家記住要忙裡偷閒, relax relax... 最緊要開心呀!!! ^O^
Post or View Comments
Wednesday, February 18, 2004
太恐怖喇!
(以下既內容可能會引起讀者不安, 敬請留意.)
今朝睇到有單新聞, 都幾驚...
有個女仔沉晚去沙田某日本餐廳食飯, 企起身準備找數時, 有隻約六吋大既老鼠竟然'娟'左入佢既褲管, 再由另一邊褲管走返出o黎!! 途中o向度周圍抓, 歷時有三十秒!!! 真係戥個女仔慘, 應該有排驚 (雖然報紙訪問佢果幅相又唔多覺佢好驚...)!
哇! 如果換左係我, 我諗我會尖叫到成個新城市廣場都聽到, 跟住暈低...
實在太~~恐怖喇!
以後大家去餐廳食飯 (或者戲院睇戲) 既時候, 無論坐或企, 都要打醒十二分精神呀!!
Post or View Comments (total: 0 comments)
今朝睇到有單新聞, 都幾驚...
有個女仔沉晚去沙田某日本餐廳食飯, 企起身準備找數時, 有隻約六吋大既老鼠竟然'娟'左入佢既褲管, 再由另一邊褲管走返出o黎!! 途中o向度周圍抓, 歷時有三十秒!!! 真係戥個女仔慘, 應該有排驚 (雖然報紙訪問佢果幅相又唔多覺佢好驚...)!
哇! 如果換左係我, 我諗我會尖叫到成個新城市廣場都聽到, 跟住暈低...
實在太~~恐怖喇!
以後大家去餐廳食飯 (或者戲院睇戲) 既時候, 無論坐或企, 都要打醒十二分精神呀!!
Post or View Comments
Tuesday, February 17, 2004
信
曾經睇過 Men In Black I 呢套戲, 最尾果幕比我好深既形象.
畫面影住一群人活動中...
跟住改為一個遠觀畫面: 呢群人係o向地球既某一處...
跟住再改為一個更遠觀既畫面: 地球係o向銀河既某一處...
再遠觀d既畫面: 呢個銀河系原來係o向一個好似波子咁大既玻璃球裡面...
最後: 一群外星人o向到玩緊數十粒呢d咁既玻璃球!
我覺得十分之得意又有創意.
想像下我地其實係o向一粒粒玻璃球裡面... 彈o黎彈去!! 哈哈, 好有趣!
或者... 係真既呢!! 有好多o野, 我地無可能去驗證... 全都只係一個'信'字!
Post or View Comments (total: 0 comments)
畫面影住一群人活動中...
跟住改為一個遠觀畫面: 呢群人係o向地球既某一處...
跟住再改為一個更遠觀既畫面: 地球係o向銀河既某一處...
再遠觀d既畫面: 呢個銀河系原來係o向一個好似波子咁大既玻璃球裡面...
最後: 一群外星人o向到玩緊數十粒呢d咁既玻璃球!
我覺得十分之得意又有創意.
想像下我地其實係o向一粒粒玻璃球裡面... 彈o黎彈去!! 哈哈, 好有趣!
或者... 係真既呢!! 有好多o野, 我地無可能去驗證... 全都只係一個'信'字!
Post or View Comments
Monday, February 16, 2004
大計
舊年年尾既時候已經同自己講, 新既一年年頭既時候我要寫我既五年大計!
當時心裡面已經諗到七七八八大概有d乜o野大計.
所謂大計其實都只不過係一d願望, 例如去一次歐洲旅行.
之不過新既一年都過左差唔多兩個月, 但係我都仲未寫呢d大計!
事關我想寫落一張靚靚既紙上面, 但係到家陣都未搵/遇到一張靚紙...
其實寫dXX年大計都未嘗唔係一件好事...
如果XX年之後你發現呢d大計已經做到哂, 咁就真係開心到暈!
假如未做到既, 咁未繼續努力囉!
等我一陣快d去買張靚靚紙, 今晚就寫我既五年大計...
到五年之後就開心到暈先!!! ^O^
Post or View Comments (total: 0 comments)
當時心裡面已經諗到七七八八大概有d乜o野大計.
所謂大計其實都只不過係一d願望, 例如去一次歐洲旅行.
之不過新既一年都過左差唔多兩個月, 但係我都仲未寫呢d大計!
事關我想寫落一張靚靚既紙上面, 但係到家陣都未搵/遇到一張靚紙...
其實寫dXX年大計都未嘗唔係一件好事...
如果XX年之後你發現呢d大計已經做到哂, 咁就真係開心到暈!
假如未做到既, 咁未繼續努力囉!
等我一陣快d去買張靚靚紙, 今晚就寫我既五年大計...
到五年之後就開心到暈先!!! ^O^
Post or View Comments
Saturday, February 14, 2004
特別日子
情人節呢個節日, 有d人會覺得好特別, 非要慶祝不可...
但有d人就會認為, 如果係對對方好既, 日日都係情人節!
我本人呢, 就對呢個節日冇乜特別要求, 慶唔慶祝都冇所謂...
... 因為感覺同聖誕節差唔多!
反而我認為兩個人既乜乜週年紀念日先至係值得慶祝既日子.
因為果一日對兩個人o黎講真係有特別意義... 係人生既其中一個轉捩點!
不過, 特別既日子其實又唔係真係需要點樣好特別咁去慶祝既.
能為對方花o下小小心思有少少驚喜的話當然係好...
之但係其實普普通通咁食餐飯, 再手牽手行o下街街...
(如果係d浪漫d既地方好似海邊咁梗係正d啦!!)... 已經好好.
最緊要係有sweet sweet溫馨既感覺嘛!
而sweet sweet溫馨既感覺點o黎呢? 其實只要諗o下d開心往事, 就已經可以啦...
至於未搵到你既情人既各方好友, 其實你自己就係自己既情人啦...
因為我地要'愛自己'嘛!!
Post or View Comments (total: 0 comments)
但有d人就會認為, 如果係對對方好既, 日日都係情人節!
我本人呢, 就對呢個節日冇乜特別要求, 慶唔慶祝都冇所謂...
... 因為感覺同聖誕節差唔多!
反而我認為兩個人既乜乜週年紀念日先至係值得慶祝既日子.
因為果一日對兩個人o黎講真係有特別意義... 係人生既其中一個轉捩點!
不過, 特別既日子其實又唔係真係需要點樣好特別咁去慶祝既.
能為對方花o下小小心思有少少驚喜的話當然係好...
之但係其實普普通通咁食餐飯, 再手牽手行o下街街...
(如果係d浪漫d既地方好似海邊咁梗係正d啦!!)... 已經好好.
最緊要係有sweet sweet溫馨既感覺嘛!
而sweet sweet溫馨既感覺點o黎呢? 其實只要諗o下d開心往事, 就已經可以啦...
至於未搵到你既情人既各方好友, 其實你自己就係自己既情人啦...
因為我地要'愛自己'嘛!!
Post or View Comments
Friday, February 13, 2004
活著相見
人生其實係短暫既, 而且可以結束得好突然...
信主既人可能會話, 人死左只不過係上左天堂, 日後會再見.
但呢個'日後'係講梗你死左之後, 到時再見可能都會係一件好事...
... 之不過, 活著相見會好d.
Post or View Comments (total: 0 comments)
信主既人可能會話, 人死左只不過係上左天堂, 日後會再見.
但呢個'日後'係講梗你死左之後, 到時再見可能都會係一件好事...
... 之不過, 活著相見會好d.
Post or View Comments
Thursday, February 12, 2004
火柴人的故事
今朝睇左一個網上片段, 名為'火柴人的故事'.
係由36幅有文字敘述既簡單既黑白圖畫組成, 主題係'立體愛情觀'.
作者想表達情侶們越接近對方之後越會發覺, 對方並唔係活在與自己同一個高度既世界... 互相有好多唔同既地方, 要好好相處, 好難. 完全活在同一個世界既就只有自己既影子!
最初睇個主題, 我仲以為係一個正面d既訊息, 點知... 咁鬼灰!!
我認為, 以立體角度去看待愛情係正確既, 但唔應該係一個咁孤獨既結論.
冇錯我地都好可能係o向唔同既高度中生活,
但係高度係比較容易調教既... 只要雙方既大方向一樣.
反之如果兩個人既方向係相反既話, 咁就真係: '算罷啦...六師弟!'.
如果你仍然係單身貴族既, 咁呢個'立體愛情觀'就更加適合.
(3D丫嘛... 咁未睇得多d又清楚d囉!! ^_^)
因為我地唔係木頭人, 而係曉行曉走曉轉彎既地球人.
只要你唔係收埋左你自己既話, 我相信某一日你總會o向某個方向某個角度遇到一個可以同你活在同一世界既果個人!
Post or View Comments (total: 0 comments)
係由36幅有文字敘述既簡單既黑白圖畫組成, 主題係'立體愛情觀'.
作者想表達情侶們越接近對方之後越會發覺, 對方並唔係活在與自己同一個高度既世界... 互相有好多唔同既地方, 要好好相處, 好難. 完全活在同一個世界既就只有自己既影子!
最初睇個主題, 我仲以為係一個正面d既訊息, 點知... 咁鬼灰!!
我認為, 以立體角度去看待愛情係正確既, 但唔應該係一個咁孤獨既結論.
冇錯我地都好可能係o向唔同既高度中生活,
但係高度係比較容易調教既... 只要雙方既大方向一樣.
反之如果兩個人既方向係相反既話, 咁就真係: '算罷啦...六師弟!'.
如果你仍然係單身貴族既, 咁呢個'立體愛情觀'就更加適合.
(3D丫嘛... 咁未睇得多d又清楚d囉!! ^_^)
因為我地唔係木頭人, 而係曉行曉走曉轉彎既地球人.
只要你唔係收埋左你自己既話, 我相信某一日你總會o向某個方向某個角度遇到一個可以同你活在同一世界既果個人!
Post or View Comments
Wednesday, February 11, 2004
日出
搬入新界住之後, 每朝要用約三十分鐘既時間搭巴士返工.
頭果十五分鐘車程我就最鍾意, 因為好有郊遊feel!
沿途一邊係綠油油既山, 一邊可以遠望景色唔錯既吐露港...
天氣好時, 抬頭仲可以望到日出同藍天白雲.
雖然已經八點多, 但個太陽先至o岩o岩升到去d山頂既高度,
所以仍然有日出既感覺;
就連坐o向我對面果個小妹妹都同佢隔離個媽咪講: 太陽出緊黎呀!!
雖然我好眼訓, 但我都會矇起隻眼欣賞呢個大自然既美景.
住o向市區既朋友就未必有機會睇到呢d景色.
不過, 欣賞唔同既樓宇石屎建築物或者睇下街上面d車款呀車牌呀或者望下d趕返工既路人... 其實都唔錯.
如果搭地鐵既可以參考我之前果篇網誌...
或者回味一下開心既事情, 近至沉日既趣事遠至小學幼稚園既傻事都得!
總之, 保持心情開朗就得... 一日既開始嘛...
... 雖然好眼訓 -_-!
Post or View Comments (total: 0 comments)
頭果十五分鐘車程我就最鍾意, 因為好有郊遊feel!
沿途一邊係綠油油既山, 一邊可以遠望景色唔錯既吐露港...
天氣好時, 抬頭仲可以望到日出同藍天白雲.
雖然已經八點多, 但個太陽先至o岩o岩升到去d山頂既高度,
所以仍然有日出既感覺;
就連坐o向我對面果個小妹妹都同佢隔離個媽咪講: 太陽出緊黎呀!!
雖然我好眼訓, 但我都會矇起隻眼欣賞呢個大自然既美景.
住o向市區既朋友就未必有機會睇到呢d景色.
不過, 欣賞唔同既樓宇石屎建築物或者睇下街上面d車款呀車牌呀或者望下d趕返工既路人... 其實都唔錯.
如果搭地鐵既可以參考我之前果篇網誌...
或者回味一下開心既事情, 近至沉日既趣事遠至小學幼稚園既傻事都得!
總之, 保持心情開朗就得... 一日既開始嘛...
... 雖然好眼訓 -_-!
Post or View Comments
Tuesday, February 10, 2004
地下鐵
日本搭地下鐵係嚴禁講電話既:
你入到個擠滿哂人既車廂, d門關上之後, 靜到烏蠅飛過你都會聽到!
d人個個都木無表情... 或者其實你都好難睇到d人既表情, 因為佢地大多數都埋頭苦幹咁用手機send緊email或者睇緊書或者訓緊覺.
香港搭地下鐵係可以盡情咁講電話既:
你入到個唔係迫滿哂人既車廂, d門關上之後, 嘈到你電話響你都未必聽到!
d人個個都表情豐富... 甚至乎七情上臉, 大部份都埋頭苦幹咁同同行既親友傾緊計或者講緊電話或者諗緊野.
我諗左好多日都諗唔到鍾意邊個情形多d...
似乎日本清靜d好似好d... 但係諗真d迫滿人又靜'英英'~~... 其實有d恐怖.
不過當我沉日再次踏足香港既地鐵我就知道: 香港好d!
雖然好嘈, 但其實只要你豎起隻耳聽下d人講電話啦傾計啦... 幾得意.
雖然好迫, 之但係當你霸個好位 (d椅中間既柱位就最好) 周圍望下睇下d人既樣啦表情啦... 幾好笑.
都係有生氣好d...... ^_^
Post or View Comments (total: 0 comments)
你入到個擠滿哂人既車廂, d門關上之後, 靜到烏蠅飛過你都會聽到!
d人個個都木無表情... 或者其實你都好難睇到d人既表情, 因為佢地大多數都埋頭苦幹咁用手機send緊email或者睇緊書或者訓緊覺.
香港搭地下鐵係可以盡情咁講電話既:
你入到個唔係迫滿哂人既車廂, d門關上之後, 嘈到你電話響你都未必聽到!
d人個個都表情豐富... 甚至乎七情上臉, 大部份都埋頭苦幹咁同同行既親友傾緊計或者講緊電話或者諗緊野.
我諗左好多日都諗唔到鍾意邊個情形多d...
似乎日本清靜d好似好d... 但係諗真d迫滿人又靜'英英'~~... 其實有d恐怖.
不過當我沉日再次踏足香港既地鐵我就知道: 香港好d!
雖然好嘈, 但其實只要你豎起隻耳聽下d人講電話啦傾計啦... 幾得意.
雖然好迫, 之但係當你霸個好位 (d椅中間既柱位就最好) 周圍望下睇下d人既樣啦表情啦... 幾好笑.
都係有生氣好d...... ^_^
Post or View Comments
只不過...
Monday, February 09, 2004
缺點... 優點...
世上冇完美既人, 我相信每個人都有佢既缺點.
我就繼承左家族 (主要來自母系) 既一個大缺點: 嚕囌, 易煩躁;
不過我都有一個優點: 懂得自責, 內疚.
每當我既缺點表露無遺之後, 我既優點都會發揮得淋漓盡致.
只可惜... 我既優點彌補唔到我既缺點.
而受我既缺點影響最深既人, 往往係我既至親...
唉! 真係對佢地唔住.
不過, 我仲有其他優點去彌補我呢個缺點, 就係: 知錯能改同有恆心...
我十年前已經開始改善呢個缺點, 而且好有恆心咁至到今時今日仍然實行緊.
希望大家比多d時間我, 同埋多d想起我既優點, 咁呢個世界都會靚d!! ^o^
Post or View Comments (total: 0 comments)
我就繼承左家族 (主要來自母系) 既一個大缺點: 嚕囌, 易煩躁;
不過我都有一個優點: 懂得自責, 內疚.
每當我既缺點表露無遺之後, 我既優點都會發揮得淋漓盡致.
只可惜... 我既優點彌補唔到我既缺點.
而受我既缺點影響最深既人, 往往係我既至親...
唉! 真係對佢地唔住.
不過, 我仲有其他優點去彌補我呢個缺點, 就係: 知錯能改同有恆心...
我十年前已經開始改善呢個缺點, 而且好有恆心咁至到今時今日仍然實行緊.
希望大家比多d時間我, 同埋多d想起我既優點, 咁呢個世界都會靚d!! ^o^
Post or View Comments
Saturday, February 07, 2004
幸福...
經過屋企樓下既商場, 見到舉行緊一個類似傷健同樂日既活動.
有好多患痙攣或智障既人同埋一d應該係義工既人有講有笑, 場面都幾開心.
但係自己見到d身體有缺陷既人, 個心始終會有d唔係好舒服, 覺得佢地好慘.
幸福唔係必然架...
我地擁有健康既身心, 已經係好大既福氣...
... 請珍惜你地身邊既一切.
Post or View Comments (total: 0 comments)
有好多患痙攣或智障既人同埋一d應該係義工既人有講有笑, 場面都幾開心.
但係自己見到d身體有缺陷既人, 個心始終會有d唔係好舒服, 覺得佢地好慘.
幸福唔係必然架...
我地擁有健康既身心, 已經係好大既福氣...
... 請珍惜你地身邊既一切.
Post or View Comments
趕!
天陰, 有雨, 冇帶遮...
好凍, 唔想返工, 唔願起身, 就黎遲到;
仆落樓, 等巴士, 淋雨...
上左車, 好多人, 好凍, 好眼訓;
終於到喇! 落車, 趕返工, 衝一千米...
哈! 走在呢個冷風中微雨中人群中, 感覺好似...... 癲婆 -_-!
見到個身型高佻長髮披背行到好似行catwalk既女子,
著住條超短迷你裙加一對長到上大比中間既boot...
唔靚... 但好多人望... 包括我 ^_^.
Post or View Comments (total: 0 comments)
好凍, 唔想返工, 唔願起身, 就黎遲到;
仆落樓, 等巴士, 淋雨...
上左車, 好多人, 好凍, 好眼訓;
終於到喇! 落車, 趕返工, 衝一千米...
哈! 走在呢個冷風中微雨中人群中, 感覺好似...... 癲婆 -_-!
見到個身型高佻長髮披背行到好似行catwalk既女子,
著住條超短迷你裙加一對長到上大比中間既boot...
唔靚... 但好多人望... 包括我 ^_^.
Post or View Comments
