Hello Everybody !!

近日小至十歲, 老至七十歲, 都可能會講過:
'你有壓力, 我都有壓力!' 或者 '未解決~!'
哈哈~~! 多得互聯網既發達以及香港人應該真係有不少壓力,
這段 '巴士亞叔' 既片段迅速地在香港廣泛流傳.
HOT 既程度, 係連電視新聞都有報導;
亦有學校禁止學生講這句 '壓力宣言'!

如果這段片真是偷拍的話, 真的佩服那個青年,
可以讓那個不認識的亞叔 '訓示' 咁耐, 繼而 '問候' 一番.
其實我覺得那位亞叔可能真的壓力很大, 又或者係神經有問題.
不過, 生活在大城市既大部份人, 都有情緒病; 亦有大量 '未解決' 的問題!

但我更想提出既, 係公德心問題.
很多時在巴士或地鐵, 都會遇上一些講說話或講電話十分大聲既人.
對其他乘客, 其實真係十分之滋擾.
如果香港人曉得多為他人設想, 我相信大家既壓力都會減低不少.
(試想想, 當你拖著疲倦的身體搭車回家時,
車上有這些不介意讓其他人知道他/她的近況呀家事呀的人,
那些聲浪, 實在討厭... 沒有他們, 你是可以好好的睡一覺嘛!!
睡眠是減少壓力的一總好方法! ^___^.)

片段分享: <巴士亞叔> (注意: 部份內容可能引起觀眾不安.)

Post or View Comments (total: 0 comments)

友人甲在一件人生大事上作不出決定, 理由係: '前景唔明朗'.
對於這個理由, 我覺得是一個把自己弄糊塗的理由.
點先為之 '明朗' 呢?? 又現今有邊個香港人會覺得自己既前景係明朗呢?!

'理由' 其實應該係具體化的, 量化的, 可以衡量的; 尤其在大事上.
例如: 我還未儲到三十萬, 不夠錢結婚!
這樣, 三十萬就會變成你的目標; 冇目標既人生會令人感到無助.
又在這 '目標' 之上, 應該有一個限期.
例如: 三十五歲前我要儲到三十萬!
這樣, 你的目標便不會是遙遙無期; 沒期限的目標會變成一個藉口.
如此, 對你自己都會公平一D, 因為你會去 '評審' 一下自己既進度/成就.

須知道, 歲月不留人.
除了搵錢係可以遲D再搵, 有好多事情, 係返唔到轉頭.
做人就是這樣子呀......
雖然有很多未知之數, 但我們仍要接受這些挑戰, 向 '不明朗的前景' 邁進!

Post or View Comments (total: 0 comments)

再見到她, 心中有無盡的喜悅.
還以為最後一面也趕不及見到就要永別呢!!

我的飯堂原來冇執到呀! 哈哈~~!!
她只是進行了小小的裝修, 又好像更換了通風設施.
真好, 我又可以吃到款多美味又便宜的午餐了!

有時有些事, 眼見到的未必就是你所想的.

Post or View Comments (total: 0 comments)

my dream car:
踏實型 - Toyota Previa
奢華型 - Porsche 911 Carrera Cabriolet

my dream house:
靠自己 - 家陣住梗望出去公園旁海邊的低密度住宅
靠六合彩 - 望到日落海邊既幾千尺兩層 house

my dream kitchen:
只要係比較闊落同埋有一座坐地煮食焗爐就得

my dream dinner:
東瀛版 - 望住東京夜景 (包括東京鐵塔) 既舒適晚擘甯w版 - 望住巴黎鐵塔既浪漫法國晚�
my dream vacation:
一個月輕鬆遊日本或歐洲

my dream chair:
可以按摩埋對手既 OSIM iDesire

my dream luxury:
一部黑色 Yamaha/Petrof 三角琴

my dream life:
在家工作或經營一間唔困身既小店;
可以係賣手工藝品藝術品, 或是一間令人坐得舒適既 cafe.
每日都做D自己想做鍾意做既事, 又唔需要趕頭趕命四處去.
一星期可以做三次運動, 包括游水打波跑步; 又可以隨時聽到自己想聽既音樂.
有足夠時間比我彈琴睇書睇電視睇戲上網玩, 仲有同屋企人朋友食飯聚會.

每人都會有夢想, 祝各位夢成真!! ^___^.

Post or View Comments (total: 0 comments)

星期一, 一星期裡面最唔喜歡, 最唔起勁既一日!
食左個貴又唔抵既早餐.
返到公司樓下, 忽然在鏡中發現自己又肥了!!
唉... 難過的一天~!

噚晚發夢, 又夢見一個十多年冇見既朋友, 我諗其實我好掛住佢.
可以嘗試打去佢屋企既電話, 不過都唔知有沒有改了.
聯絡到了, 又好似好突然...... 這麼多年冇見, 講乜好呢?!
或許有天我會試試罷~~

星期六, 在佐敦的北京酒樓吃過好好味的母親節飯後, 幾個人去了龍翔道看夜景.
那裡不是看香港夜景的最佳地方, 但點點燈火, 仍是很吸引.
眺望 IFC 和中國銀行總行; 近看朗豪坊和又一城.
並可以看到火車站, 和一條條變得似蟲蟲一樣小的火車.

想想自己身處這個繁華又尚算美麗的城市, 其實很不錯.
算吧.... 也不是太難過!

Post or View Comments (total: 0 comments)

你和我從不同的地點出發, 有一天, 在路上遇上.
我們手牽手, 天真快樂地向前走著.

有時, 我會氣力充沛地向前衝, 走遠了;
不要緊, 我總會有睏倦無力的時候, 你總會趕上.
有時, 你會慢慢地走又或是停下來, 察看一下環境, 想想應怎樣走;
不要緊, 我總會徘徊在你身旁, 等著你, 你總會前進.

沿途上, 你看見種種的珍禽異獸, 都會興致勃勃地向我講述牠們的特性.
然而, 對不起, 其實我未必聽得懂, 就如我對你說路上那燦爛奪目的花兒品種一樣.
但是不要緊, 我仍然會用心地去聽, 因為那是你喜歡的.
我們又會遇著很多不同的朋友伙伴, 或會到別處逛逛.
也不要緊, 我們總會記掛著對方, 回來後又會雀躍地告知所見所聞.

謝謝你為我張傘, 謝謝你的忍耐和包容, 我也會做好我應做的.
只要你和我都保持著那份純真, 無論怎麼走, 我們都會一起向著約定的那方走去.

Post or View Comments (total: 0 comments)

由於飯堂消失了, 太陽伯伯又笑得太燦爛既關係,
這兩天都去了附近的麥記食 lunch.
雖然D食物熱氣, 雖然D食物不太健康...... 但, 好味! ^___^.

我去的這間麥記位於人來人往既商場裡面.
一邊吃一邊可以看到很多很多不同的人和事.
靚女靚仔靚太靚佬, 核凸的, 騎呢的, 不知所謂的... 應有盡有, 目不暇給.
不同既衣著打扮, 好和醜既言談舉止, 公或私既談話內容... 十分精彩, 好過睇電視.
另外, 進行以上觀賞既時候, 會發覺腦子是一片空白, 沒有怎麼運作的.
這種 '空白' 的感覺...... 很舒服~~!

Post or View Comments (total: 0 comments)

終於行了下水禮!!!!!! YEAH~~~ ^O^

近個幾禮拜的天氣實在好得不~~得了!!
太陽伯伯每天都一大清早便笑呵呵的對著我們, 直到黃昏六點多才離去.
I LOVE SUNSHINE!!!!!

雖然昨天是晚上去游水, 但由於太陽伯伯很勤力, 所以池水仍然很溫暖.
又雖然游了沒多久已經無氣力 (因為近大半年很少做運動),
但由於實在太愛在水中暢游的感覺, 所以仍盡力地游呀游.

游水這一項運動, 我是在中學後期先真正接觸.
記得那時是一個同學教我的. 那一年的暑假, 我們常常到公眾游池.
她用心地教我. 而我這個徒弟, 都很用心地學.
只不過, 我遇到其他人多數不會遇到的難題......
......就係要忍笑!!!
原因係每當我努力地在水中做出同學教我的動作時,
我都會不期然地聯想到當時自己的姿勢一定很核凸很好笑.
然後就會忍不住笑了出來, 也游不成了.
幸好, 我最終勉勉強強也學懂了最簡單的蛙式.
也是靠著這糊里糊塗的泳姿, 現在每一年的夏天,
我都可以休哉悠哉地在水中慢慢地 (因為游不快) 暢泳.

Post or View Comments (total: 0 comments)

執o左呀~~~!!!!!!
我每個禮拜至少去兩次食 lunch o既食店竟然執o左呀~~~~~!!!!!!!!
點算??!!! 我間飯堂執o左...... T___T.

由細到大一日三餐總有不少機會在外邊吃, 想一想, 我懷念的食店也有好幾間.

小時候, 早餐或午餐會到平台的粥店吃.
軟綿綿白淨淨的白粥, 用八角形的白色底加藍色綑邊及花紋的瓦碗載著, 十分有風味.
還有那甜甜的鬆軟的鬆糕, 很令人懷念. 後來聽說老闆一家要移民, 粥舖便從此不見了.

又有一檔在小學附近橫街裡的大排檔, 是吃粥和中式甜品的.
很多時放學後媽媽便會帶我去食油炸鬼牛利酥, 或是紅豆沙芝麻糊.
記得檔裡有個伯伯在搓麵粉, 再將一條條搓好的白色的孖條放進油鍋,
金黃色的油炸鬼便慢慢的變了出來.
後來大排檔要拆了, 幾張熟悉的面孔便從此在我的生活裡消失.

長大後, 好朋友C 介紹在灣仔警署裡的亨特利餐廳.
無錯, 餐廳的最大特色就係要走入警署, 並要登記身分證才能上去吃的.
那裡的環境很優美, 有海景, 十分溫馨浪漫, 食品和服務水準也很好.
後來餐廳搬了, 搬到同區一橦有多間食店的商業大廈.
雖然裝修也很舒適, 食物和侍應的水準也能維持,
但可能因為沒有了 '在警局中進膳' 的招徠, 不久就結業了.

還有一間叫湖心餐廳的西餐廳, 是在金鐘香港公園裡的.
雖然只幫襯過一次, 但那裡的環境舒適乾淨優雅浪漫, 所以印象深刻.
可惜, 數年後當我再想從臨舊地, 就發現她不見了!!

如今, 我的飯堂不見了~~! 天呀! 你叫我往後的日子怎麼辦??!

Post or View Comments (total: 0 comments)

看了四大天王, 好睇!
笑了大半場, 眼淚水都瞟了出來, 拍晒大脾, 捧腹大笑! 真開心~!
聽聞故事情節有真 (偷拍) 也有假; 不管屬實還是噱頭, 整體效果不錯.
製作人其實希望藉此片, 道出現今藝人的生存方法;
以及科技發達令消費者的觀念改變帶來的負面影響......
所以並不是一套無聊的戲.

看了鏗鏘集, 心酸.
訪問兩個因基因變異而身體不正常的青年人.
他, 她沒有因為身體的缺陷而怨天尤人, 反而積極面對可能是短暫生命裡的每一天.
我們這些, 應該好好學習.

看了懷疑考生作弊的報導, 考評局好瘀!
點解香港既教育高層, 久不久就會做出D比人覺得佢地好無能既事呢?!
教育, 係一個社會裡面好重要既環節, 絕對應該一絲不苟.

看了五一黃金周遊客的醜態報導, 中國真係太多不文明既人了~!
垃圾隨處掉, 沒有秩序, 不愛惜公物, 甚至破壞他人財物......
中國, 會有變文明的一日嗎??
教育, 真係一個社會裡面好重要既環節, 影響深遠.

Post or View Comments (total: 0 comments)

有得必有失;
針冇兩頭利;
唔可以又要馬兒好又要馬兒不吃草;
冇付出, 又點會有收獲......

人生就係咁充滿選擇和矛盾, 不停的都是分叉路.
每一步都係用一樣東西交換另一樣東西.
我們會唔捨得, 會綣戀, 會貪......
不過有一天, 你總要決擇, 要放手.

如果世上有一種秤, 可以讓我們把那些可以選擇的都放上去,
然後秤出那個選擇是較好的...... 那就好了~!

Post or View Comments (total: 0 comments)

每日都會讀蘋果日報副刊裡的數個專欄, 但四月尾得知其中兩個不再寫了, 十分傷心!
幸好其後知道他們都開了 blog, 會繼續寫東西給讀者看, 真好!

喜歡看專欄, 因為可以知多D不同世界的事物;
又可以 '聽' 多D其他人對各種與你有關或無關的事的意見.
感覺上豐富了知識和眼界!
不過我不會看一些多數談論政治的專欄, 無興趣!
況且那些多是有彈無讚的, 討厭!

現今科技發達, 有可愛的互聯網, 成了大家保持聯絡的功具.
所以我們要知道對方的近況, 只要一個 email, 或看那人的 blog, 就可以了.
好像沒有了 '失散' 的可能, 很好!
只是有些在互聯網還未普遍時已經沒有聯絡的 '老朋友', 就真的是失散了, 遺憾!

Post or View Comments (total: 0 comments)