Hello Everybody !!

好多謝朋友N 分享了一幅十分有趣的格格漫畫給我.
現實生活中, 一定唔會有如此的事發生.
因為除了沒有這麼大的龍貓之外, 早在第二十格就應該有命案發生了!

不過在我們的身邊, 可能都有不同程度的 '聾貓' 存在.
聾了90% 的, 可能是先天, 也可能是後天; 但都是令人傷心惋惜的.
聾了50% 的, 可能是先天, 更大多數是功能退化, 俗稱 '撞聾';
都會令人感到可惜, 但更多時會令人勞氣!

然而聾了0% 的, 不等於會完全聽到你的說話.
有聽到100%, 但給你的回應是會把你激死的, 如:-
問: 你依家o向邊呀?
答: o向街囉~
也有聽到100%, 但給你的回應是你想把他打死的;
就是那些九唔搭八, 答非所問的人.

得意分享: 聾貓

Post or View Comments (total: 0 comments)

各方好友都信任你依賴你, 只有她不大接受你的意見.
父母都已算盡了本份, 只是欠了一份禮物.
你的性格其實已經不錯, 只是不夠溫柔.
你倆其實都相愛又珍惜, 只是仍有未能適應的地方.
你已經盡心盡力勤奮工作, 只欠了運氣或一個賞識你的上司.

生命裡有那麼多的事情總是讓你和我覺得欠了一點點, 叫我們耿耿於懷, 令我們感到遺憾.
有時那些 '差一點', 是不可補救不可改變的.
有時那些 '差一點', 卻仍可讓我們繼續努力, 努力地去把那一點消除.
就是這些 '差一點', 使我們有了目標, 也告訴了我們世上沒有完美的人和事.

Post or View Comments (total: 0 comments)

有樣o野真係諗極都唔明, 就係點解男女既分別可以咁大?!
生理上o既差異屬結構性問題, 有科學醫學解釋, 不提.
但是心理上行為上, 點解可以咁大分別呢??!!

當中o既表表姐, 就係女人真係比男人囉嗦長氣好多~!
好似食 lunch o既時候, 隔離檯個女人, 不停 (真係不停!) 咁講o左廿分鐘o野!
(其實可能更長, 但因為我只坐o左廿分鐘就走.)
好多時坐長途巴士, 都會有人講足全程差不多四十五分鐘; 果D人, 通常都係女性.
行街行商場o既時候, 聽到見到 '雞啄唔斷' o既, 都係女人.

到底係乜o野原因令到女人咁鍾意講野呢??!!
唔通女性荷爾蒙裡面有D '愛說話' 因子??
各位如果知道o既, 麻煩話一話聲小妹聽聽.

p.s. 如小妹這方面的女性特徵發揮得太淋漓盡致, 都麻煩話一話聲小妹聽聽. ^_____^.

Post or View Comments (total: 0 comments)

國家主席胡錦濤訪美, 去左 Bill Gates 屋企食晚飯.
貴為世界首富連續 12年的 Bill Gates, 招呼胡錦濤的 '豪門夜宴' 由三道菜組成...
沙律, 主菜二揀一: 大蝦配魚柳 或 牛柳, 再加甜品.
有人會覺得 Bill Gates 好寒酸; 但有人又會話冇乜問題, 反而中國人招呼親朋戚友時的鮑參翅肚是浪費.
個人覺得, Bill Gates 確實有D不夠體面. 好歹都應該有鵝肝呀魚子醬呀比人食!

其實一直有個願望, 就係可以來一次大宴親朋!
各位被邀請既親朋好友只需兩手吉吉, 就可以來大吃大喝一番!
菜單如下......

< 西餐 >
忌廉南瓜湯 配 多款新鮮出爐鬆軟好味麵包
煙三文魚 或 煙鴨胸 沙律
粟米甘荀 并 健康野菜
薯蓉伴香草蒜蓉焗田螺
香煎魚柳 或 牛肉味勁重新鮮牛柳
拿破崙芒果蛋糕
UCC 咖啡

< 和食 >
鮮甜日式蜆仔湯
蟹子沙律伴北海道大蟹腳
入口即溶無比新鮮什錦刺生
什錦天婦羅 (新鮮帶子, 白飯魚仔, 南瓜)
神戶牛柳粒 配 稻庭烏冬 或 湯烏冬
好味大福 或 芝麻雪糕
UCC 咖啡

< 中式 >
滋潤好味椰子煲雞湯
鹵水鵝片 并 爽口海折皮 并 花鵰醉雞翼
鮮帶子蝦球花枝片碧綠雀巢
香?蒸滑滑深海石斑
乾炒牛河 或 菠蘿雞粒炒飯
蓮子紅豆沙 或 楊枝金露
各款銘閒情茶包

以上, 係我精心設計既菜單, 希望不久既將來你會收到我既邀請啦~~!!

Post or View Comments (total: 1 comments)

看到一篇報導, 有個團體舉辦了一個 '體驗貧窮' 活動.
參加者在一星期內只可以用三百五十元過活, 包括食和車費, 即每日只可以用五十元.

詳情不知道, 只看到其中一個參加者說由於要慳九蚊車費,
結果本來四十五分鐘可到達的地方, 變成用了足足兩小時!
原來我們這些活在城市的平民百姓, 時間和金錢係唔可以共享的~~!

求學時期, 勤力讀書既, 就係用玩既時間去換取搵錢能力; 書中自有黃金屋嘛~~!
到投身社會做事, 想收入好D既, 一係就去進修, 一係就身兼數職; 付出既, 都係時間.
雖然有種方法係搵到錢之餘又可以有時間, 就係投資;
之不過, 投資涉及風險......
對於運數唔係太高既我, 都係踏實D好!
記得今年年頭睇過我既生肖今年既運程係: 辛苦得財年, 多勞多得!
都幾好丫~ 一分耕耘, 一分收獲.
所以, 繼續奉行: 時間換金錢, 金錢換時間!!

Post or View Comments (total: 0 comments)

四日假期轉眼就過了~~~!!
假日節目主要都係食, 食, 食, 同食! 食得是福嘛~ 哈哈!!

唔知大家有冇同感, 就係長大後覺得時間好似過得越尼越快?!
噢, 咁就月尾~! 噢, 咁就四五月~! 噢, 咁就一年!!
係 '快樂不知時日過' 嗎? 我又唔覺得喎!
雖然現在既生活都算快樂, 但點都好似係以前讀書時冇憂冇慮會開心D.
雖然現在每日都頗繁忙, 但點都應該係讀書時返學放學做功課預備測驗考試忙D.
咁, 到底係乜原因令到我有咁既感覺呢??

有人話時間係一個不會停既巨輪, 日復日地轉動著.
每個人既一生亦都係一個齒輪, 由出生那天開始轉呀轉;
並且由不同的知識和經歷豐富著, 一日一日地變大.
要用相同時間去轉完一圈, 小齒輪當然會轉得比大齒輪慢.

我們一天一天地成長, 要兼顧既事情都漸漸地增加.
一個成年人每天會想會掛念會考慮會憂心既事情, 一定比一個小朋友多.
時間, 就是這樣地不知不覺被耗掉了!

Post or View Comments (total: 0 comments)

名字對於每一個人都係重要既, 無論係中文名抑或英文名.
你喜歡你既名嗎? 老實講, 我就不太喜歡我既... 中英文都係.
可能覺得唔好聽, 又或者太普通吧~!
不過, 我相信為子女改名真係唔容易.
我會選擇一D具有 '珍貴' 意思既字, 因為子女對我尼講係好珍貴既.
(不過唔會叫 '亞珍' 或 '亞貴' =__=!)
希望藉此他/她會有高尚既品格, 身邊既人都會珍惜同尊重佢.
不過, 暫時未需要諗住...... 等下啦~~!!

Post or View Comments (total: 0 comments)

是顏色影響心情, 還是那裡的擺設影響心情?
是衣著影響心情, 還是那天的行程節目影響心情?
是食物影響心情, 還是同檯共膳的人影響心情?
是事件影響心情, 還是周邊的人物影響心情?
是天氣影響心情, 還是花開花落影響心情?
是別人影響心情, 還是自己的心思影響心情?

Post or View Comments (total: 0 comments)

我最鍾意睇既小說係愛情小說.
哈哈~~ 好膚淺, 是吧?

有時都會睇一D推理懸疑小說, 但可能我膽小, 太懸疑既, 我會驚.
科幻小說就真係好少睇, 可能因為我對科學呀外太空呀無乜興趣.
只有愛情小說我會睇得最津津有味.

有人會覺得喜歡睇愛情小說的人多數是鍾意發白日夢呀不切實際的人;
但對不起, 我係一個唔識發白日夢又頗實際既人.

我認為, 愛情小說係最貼近真實的小說;
每看一個故事, 就好像看到了一個人的生活片段一樣.
愛情小說唯一與真實世界差別最大的, 就是小說裡會有太多的巧合.
但故事裡的人物情節及感情, 是可以在現實生活中找到的.
換句話說, 看愛情小說可以豐富我對不同人性的認識和預知.

又或許因為我份人比較懶, 不喜歡用腦.
看這些情情愛愛的就可以好輕鬆地讓我輕鬆一下.
再者, 我是一個感情不太豐富既人,
看多些愛情小說, 可能可以令我無咁冷血呢! 哈哈~~! ^O^

Post or View Comments (total: 0 comments)

今年既願望係......
主題: 我關心既人都健康快樂~!
詳細內容就不便透露 ^_____^.

對於現在這個歲數, 老實講, 感覺怪怪的.
不過, 我一向認為, 心境開朗自然青春常註.
就算活到七老八十, 都可以充滿活力!

Post or View Comments (total: 0 comments)