Hello Everybody !!

睇莫斯科馬戲團, 驚多過喜!

一個男子表演疊起一層又一層既水杯, 每層用一塊膠片隔住. 個男人不斷捧住呢棟杯成場走. 我好驚萬一跌左, 咁多杯散落一地既聲會十分吵耳!

另一個男子表演玩皮鞭劈o野. 佢不斷咁 '發' 條皮鞭落地, 啪啪聲嚇到我個心都跳埋出o黎!!

跟住有個金髮男子表演特異功能. 佢全身d關節骨骹可以隨意咁轉!! 對手幾乎可以 360 度轉! 前前後後上上下下左左右右咁扭呀屈呀摺埋再摺埋, 都分唔到向住你既係佢既前定後! 睇到我心都愶. 我唔認為佢天生可以咁, 應該係好細個果陣不斷咁鍛鍊甚至乎借助藥物而達到... 所以覺得佢好慘.