Hello Everybody !!

做女人其實真係幾辛苦. 除左生理上每月既大出血之外, 身為一個正常女子所面對既苦況係男人唔能夠感受到既.

打從十零廿歲開始, 有拖拍既就會驚個男朋友鍾意左第二個又或者自己鍾意左第二個... 多采多姿既感情生活夾雜著離離合合.
未有拖拍既就只有羡慕身邊有拖拍既女朋友可以有個小男友一齊燃燒青春.
到左廿幾歲, 有拖拍既就會諗個男朋友係咪可以付託終生既呢? 又或者會頭痛點解個男朋友既心智行為唔會隨住歲月而長大成熟呢?
冇拖拍既就開始擔心自己既真命天子到底幾時會出現...
到結左婚既, 又要努力提醒自己點都要注重下儀表, 唔好比自己同結婚前差太遠, 更加唔好比自己變左個肥師奶...

男人, 除非係好內向既性格, 如果唔係既我諗由佢地踏入青春期到四十幾歲都冇擔心過有冇女朋友或者娶唔娶到老婆. 因為佢地自信心爆膨...
大多數既男人每日都會討論明星或者身邊 (無論識唔識都好) 既女性既外表. 個樣生得普通既就話醜... 身材唔夠均勻或者唔惹火既就話唔靚! 好似女人生出o黎係比佢地品評咁! 但佢地又唔諗下不知幾多男人個樣衰又核突! 我諗o向旺角銅鑼灣要搵個靚過亞Sa 既女仔點都容易過搵個俊過梁朝偉既男人!!
女人會老身材會走樣同樣男人都會. 咁男人呢種生物有乜資格以品評女性為樂呢? 唯一既解釋係呢d男人好低俗無聊, 最重要係唔識尊重女性.

點解香港既單身女性越o黎越多就係因為呢d咁既男人越o黎越多, 叫眾姊妹們點揀得落手呢?