Hello Everybody !!

望住呢張大合照, 我有生以o黎第一次感受到 '感慨'.

曾幾何時, 我同相中o既佢佢佢佢係幾咁好朋友......
但係如今, 我o地一年都未必見到三次!
感慨, 係因為發現我o地o既友情已經由超級好朋友變成為超級普通朋友.
講真, 呢種感受並不好受!

點解會變成咁??
我諗係因為拍拖o既只顧拍拖, 玩o既只顧玩......
互相願意付出比大家o既時間越o黎越少......
亦即係互相o既價值觀都唔同.
咁樣, 友情又點可以維持呢?!

因了解而分開...... 並唔係只適用於男女之間o既感情, 絕對可以用於友情.
而當你發現一段友誼去到咁o既地步o既時候,
果種 '感慨' 應該會比用於愛情o既難受.
因為比起愛情, 友情係一樣越多越好o既o野; 因了解而分開...... 令你失去一段友情.
而愛情, 數量應該係一; 因了解而分開...... 只會令你去追尋另一段愛情.