Hello Everybody !!

暢快係, 隨心所欲地買你想買o既衫褲鞋襪手袋玩具;
雖然之後會覺得自己有點兒揮霍無度.
暢快係, 唔洗做去外國親友屋企住返一頭半個月日日淨係食訓玩;
雖然之後身體至少會大o左一個碼.
暢快係, 開開心心去日本自遊行吃喝玩樂每日要成幾千蚊;
雖然之後會有 d 拮据兼繼續魂遊日本十數天.
暢快係, 炎炎夏日跳落泳池游呀游呀游呀;
雖然我游術唔係幾好好易會比其他游客嚇親兼飲泳池水.
暢快係, 返到屋企開 HI-FI 聲浪我鍾意幾大就幾大;
雖然有機會會比人鬧甚至比人投訴.
暢快係, 秋風起三蛇肥o既時候去吐露港盡情地踩返轉單車有幾快得幾快;
雖然過後會手痛腳痛八月十五都有 d 痛.

結論: 暢快係有代價地不顧一切地去做 d 令你心情舒暢心廣體胖o既事情.
v(^O^)v