Hello Everybody !!

BB 仔至細路仔果陣, 日日夜夜都有o野學;
學行, 學講o野, 嗌肚餓, 學寫字, 學讀書......
學o既都係 d 與生俱來應該識o既o野, 難度不高.

踏入青少年o既時候, 時時刻刻都有o野學兼有煩惱;
讀 phy chem bio, 入 U 繼續讀, 仲要學習與人相處o既方法......
不過, 接觸到o既多數都係年紀相約o既人,
要學o既要面對o既, 都唔係好複雜o既o野.

出o黎做o野之後, 分分秒秒都有o野學兼勁多煩惱;
學工作上o既知識, 學待人接物o既技巧, 學接受, 學唔好咁計較,
仲要學習圓滑得o黎人o地唔會覺得你擦鞋或者假......
我相信亦感受到, 呢 d, 係最難學o既o野!

到結婚生仔o既時候, 又有一大堆新o野要學;
學同一屋簷下o既相處之道, 學互相體諒, 學點做人父母......
umm...... 都有 d 難度, 不過只要有愛, 所有事都變得容易!

年紀再大 d 滿頭白髮o既時候, 要學o既o野比較少但都有o野學;
學o下退休之後日常可以做乜o黎打發時間,
學o下子女長大之後兩老點樣相依為命,
學o下接受生老病死o既不變定律......
應該會有 d 滄桑o既感覺,
但只要看得開, 日子可以係好無憂無慮開開心心咁過.

所以, 要學o既o野真係好多呀!!!!!
大家加油啦!!! ^O^