Hello Everybody !!

翻看一篇與名字有關的笑話, 實在好笑, 就讓大家重溫一下...


*** 爆笑中文名 ***

聽過一個李素寶........嫁左比個姓 "簫" 既....... 即係.......

洪梅貴, 周新恆, 羅有大, 吳長大, 吳昭德, 吳美麗, 莫思科, 林花,
郭德雲, 麥生仁, 老來旺, 吳廣德, 畢可宜, 周蕙娟, 鍾樂海, 廖植彪, 柯蘭詩

當中我覺得最好笑既係 "劉比蒂", "史塔蓋"

黃嘉嵐" ---> 變綠?

"兩父子, 阿爸叫李杰, 個仔叫李仲杰"

"三兄妹 : 游詠富, 游詠依, 游詠慈"...游世伯, 咁大整古呀!"

上次去台灣某銀行唱台幣...睇一睇櫃面個名牌... 個服務員叫"吳曉郁"...
一行六人冇個忍到笑

我以前個班主任叫"吳樹喜"

我識得一個老師叫"周有松"!!!!!好好笑!!!

仲有,有冇聽過人叫"陸浩昌,伍浩昌"???
"陸浩昌先生,請即到5號窗; 伍浩昌先生,請即到6號窗!!!"

其實聯婚都好好笑，例如：賴廖聯婚，賴史聯婚....... 等等.........

其實日文名都可以好好笑，例如：吉川春代子，菊行條野，金其良美....

******


俗語有云: 唔怕生壞命, 最怕改錯名.
做父母幫仔女改名真係要三思.

另外其實每個年代都有D 比較熱門既名字, 例如...
五六十年代: 亞蓮, 亞美, 亞娟, 亞強, 亞成...
七八十年代: 亞詩, 亞恩, 亞雯, 亞傑, 亞偉...
......

而今時今日, 新一代既媽咪嗲?, 會搞盡腦汁去幫個仔或女改個特別既名.
於是乎, 一D 前所未見, 讀都唔識讀既名就出現了...
例如: 韜 (音 '滔'), 翀 (音 '聰'), 沂 (音 '而')......
所以我相信新一代同名既情況會越來越少, 但被人寫錯名既情況又會越來越多~!

資料分享: 香港芳名譜
有趣分享: Japanese Name Generator
網站分享: 11,000 Baby Names, Meanings and Origins at Baby Names World